د چاپېريال ساتنې ملي ادارې د اوزون دفتر د ١٣٩۹ کال د زمري په څلوړمه او پنځمه نېټه د افغان کوریا انستیتوت په همکارۍ د یخچال او ایرکندېشن د تخنیکرانو لپاره د HCFC د بدیلو ګازونو په اړه د غوره کړنلارو روزنيز ورکشاپ تر عنوان لاندې دوه ورځنی ورکشاپ جوړ کړ. په دې ورکشاپ کې د کابل ښار د یخچال او ایرکندېشن تخنیکرانو چې شمېر یي له ۱۵ تنو څخه زیات وو ګدون کړی وو، په دې ورکشاپ کې د اوزون پوړ د ويجاړوونکو ګازونو په هکله او د بديلو ګازونو په ترويج او کارونې پورې اړوند علمي معلومات وړاندې شول. همدا رنګه په ياد شوي ورکشاپ کې دې لا زياتې ګټې اخيستنې په موخه عملي کارونه هم تر سره شول. ياد ورکشاپ د چاپېريال ساتنې ملي ادارې د اوزون دفتر لخوا د تصديق پاڼو په وېشلو سره پای ته ورسېد.
د بدیلو ګازونو په اړه د غوره کړنلارو روزنيز ورکشاپ
2020-06-29 01:59:43